3 снежня 2025 г. — 130 гадоў з дня нараджэння Сцяпана Фёдаравіча Семенюка (1895–1931), паэта
Сцяпан (Стафан) Фёдаравіч Семянюк нарадзіўся 3 снежня 1895 г. у в. Яромічы Кобрынскага павета Гродзенскай губерні (цяпер Кобрынскага раёна Брэсцкай вобласці) у сялянскай сям'і. На той час у Яромічах было 30 двароў, 180 жыхароў, меліся Падалескае валасное ўпраўленне, царква, сінагога, хлебазапасны магазін, кузня, піцейны дом, народнае вучылішча, у якім у 1905 г. навучаліся 69 хлопчыкаў і 9 дзяўчынак.
23 ліпеня 2024 г. — 80 гадоў з дня нараджэння Георгія Рыгоравіча Гулюка (1944), дзяржаўнага дзеяча, доктара сельскагаспадарчых навук, заслужанага меліяратара РСФСР
Георгій Рыгоравiч Гулюк нарадзіўся 23 ліпеня 1944 г. у в. Дварэц (Яромічы) Кобрынскага раёна Брэсцкай вобласці ў сялянскай сям’і. Бацька, Рыгор Паўлавіч Гулюк, равеснік Кастрычніцкай рэвалюцыі, якому давялося прайсці Вялікую Айчынную вайну, сустрэць Перамогу ў Берліне ў званні старшага сяржанта. Разам з жонкай Соф'яй Мяфодзьеўнай выгадавалі дачку Галіну і сына Георгія.
17 сакавіка 2024 г. — 100 гадоў з дня нараджэння Збігнева Кабаты (1924–2014), удзельніка Другой сусветнай вайны, вучонага-іхтыёлага
Збігнеў Кабата нарадзіўся 17 сакавіка 1924 г. у в. Яромічы Кобрынскага павета Палескага ваяводства (цяпер Кобрынскага раёна Брэсцкай вобласці) у сям’і польскага афіцэра. Вучыўся ў дзяржаўнай гімназіі імя М. Радзевіч у Кобрыне, якую закончыў у 1937 г.